Blogi

Instagram-kišto lii nuuhâm!

#jávrebiekkat

Takkâ puoh uáseväldeid, já ennuv lukko vyeitteid! Kišton pottii hirmâd ennuv hirmâd fiijnâ koveh, nuuvt ete valjim ij lam älkkee! Korrâ jienâstem maŋa kuittâg taat kuulmâs vuoittii čielgâsávt. Puoh iänáá jienâid uážui kove nieidâin Kiilbešjäävri riddoost. Ennuv lukko val ohtii, já tuáivuttep tijjân suotâs festivaal 🙂

SSN uárnee Instagram-kišto!

somegilvu-anaras

Uásálist já vyeiti liipu Ijâttes ijjân! Ijâttes ijjâ -festivaal teema taan ive lii Jävripiegah. Kiišton puáhtá uásálistiđ Instagramist kevttimáin háštág #jävripiegah. Kovveest kalgeh leđe jävri já piegah mahtnii mield! Mušte meid, ete Instagram-profiilâd kalga leđe áávus uásálistem várás. Uážuh taggiđ nuuvt ennuv kuuvijd ko halijdâh. Mist láá ohtsis kulmâ liipu jyehimnáál, já mii jyehip oovtâ […]

Äigikyevdil: Sämitiige uáppustipeendih uuccâmnáál!

Sämitigge juáhá ohtsis kuttâ stipend, moh láá uáivildum sämikielâ já/teikkâ sämikulttuur válduaamnâs- já uálgiaamnâsuáppeid ollâtääsi škovliimist. Nuuvt ete tun säminuorâ kote lah karttâm varriđ uápui tiet teikkâ muđoi taarbâšâh ruđâlii torjuu škovlâpálgástâd, uusâ tääl! Uuccâmravvuuh já lasetiäđuh kávnojeh ST sijđoin.

SSN jesâneh: Puáttiđ Riddu Riđđun!

SSN ocá kyevti movtigis já perustum jeessân vyelgiđ Riddu Riđđun ovdâstiđ seervi! Riddu Riđđu uárnoo Taažâst Olmmáivákkist taam ive 10.-14.7. já SSN ruttâd kyevti jeessân maađhijd, ijâdmijd já festivaalliipuid toho. Tiävstuv tobbeen ij pyevti tuše juhlođ, peic jeessânkyevtis kolgâv čäälliđ blogi já uásálistiđ nuorâiohjelm seminaaráid já pargopoojijd seervi peeleest. Äigi kale kávnoo meiddei suotâstâlmân, ellee […]