Seervâ jesânin!

Ááiguh-uv servâđ jesânin? Poorgâ tom tääl!

Seervâ jesânin

  • Čááláh-uv val kiädán kovveest oinuu puustavijd/saanijd!

Jeessânvuotâ

Suomâ Säämi Nuorai jesânin puáhtá servâđ tevdimáin jeessânluámáttuv ja vuolgâtmáin tom SSN stiivrân. Nettiluámáttâh kávnoo SSN nettisiijđoin “Seervâ jesânin” liiŋkâ tyehin, já päävirluámáttuvâid mij jyehip já nuurrâp eresmuđoš tábáhtusâin. Ko mij lep uážžum luámáttuvvâd, mij vuolgâttip tunjin šleđgâpuástáin reekkig jeessânmáávsust. Ko mih lep kirjim máávsud jieččân koonton, mij vuolgâttip tunjin tiäđu tuu jeessânvuođâ älgimist.

Suomâ Säämi Nuorâin láá eresmuđoš jeessânvuođâ tääsih. Eidusâš jesânin uážuh uuccâđ, jis tun lah 13-30-ihásâš säminuorrâ. Ive 2014 ihečuákkimist meridijm joskâđ väldimist ihejesânijd, mut ton räi nanosmittum ihejeessânvuođah pisoh vyeimist. Ihejeessânmáksu lii 5 €. Ivveest 2014 oovdâskulij eidusâš jesâneh mäksih ahepeijeessânmáávsu 20 €, tuš ohtii.

Ahepeijesânin tun pisoh mij jesânin ton räi ko tiävdáh 30 ihheed. Toorjâjeessânvuotâ lii uáivildum puol ulmuid já irâttâsáid, kihä halijdeh tuárjuđ säminuorâi tooimâid Suomâst. Tuárjájeijeeh uážžuh jieš meridiđ sii jeessânmáávsu meeri, kuittâg ucemustáá 50 eurod.

Tääl Suomâ Säämi Nuorâin láá ohtsis suullân 130 jesânid.

SSN jesânin piäsáh uásálistiđ Sämieennâm mielâkiddiivmuid nuorâitábáhtusáid. Kiđđuv tot lii salibandy sämimeeštirkišto, kost SSN lii miänástum jo maaŋgâ ive. Ive 2012 kištoost Ubmejest juhlojuvâi SSN jyemehkolle, ko sehe nisonij ete almai juávhuh spellii kirkkádumos mitalijd Suomân. Ko seervâh SSN jesânin, peesah spellâđ SSN miänástum juávhuin jis halijdâh.

Ihečuákkimist väljejuvá uđđâ stivrâ já jesâneh. Čuákkim ohtávuođâst lii ain ornum eres-uv ohjelm, ko tot lii mii ive tergâdumos jeessânteivâdem. Ive 2012 Kärigâsnjaargâst ornum ihečuákkimân uásálistii ulâttâsmeeri SSN jesânijd. SSN ornii ihečuákkim ohtâvuođâst eehidkonseert, kogo lyevi alne lijjii Ailu Valle sehe uđđâ juávkku Irdon.

SSN haalijd uápásmittiđ säminuorâid ubâ Sämienâmân, já uárnee-uv jeessânteivâdemijd eresmuđoš tábáhtusâid ohtâvuotân. Skábmagovat Anarist, Heeta Márjápeeivih, almugijkoskâsâš algâaalmugfestivaal Riddu Riđđu Taažâpeln, já Ijâttes Ijjâ -festivaal Anarist láá jo maaŋgâ ive kuullâm SSN tábáhtuskalenderân. Meiddei uđđâ mätki- ja tábáhtusjurduuh láá ain tiervâpuáttimeh! SSN haalijd movtijdittiđ já tuárjuđ jesânijdis uásálistem tábáhtusáid, já uásálist jesânijdis mätki- já ijâdemkoloid. Toi pirrâ almottuvá ain sierâ.

SSN tieđeet jesânáid šleđgâpoostâ peht 2-6 keerdi ivveest. Jeessânreiváin pisoh ain fáárust tast, mii seervist tábáhtuvá ja kuás. Suunnâttâlmist láá meiddei mottoommuđoš jeessânpuohtuuh.

Mij nettisijđoinân kaavnah äigikyevdilis tiäđu SSN tooimâin, sämmilijn, Sämieennâm tábáhtusâin, algâalmugijn já almugijkoskâsâš algâalmugtábáhtusâin. Sijđoin kaavnah meid mii ohtavuotâtiäđuid. Ele spohhiistâl ohtâvuođâ väldimist, jis tust láá koččâmâšah, iävtuttâsah teikkâ mii peri aašijd. Tun puávtáh uápásmuđ SSN tuáimáid tärkkilubbooht mii blogâ peht. Tobbeen kaavnah tiäđu äigikyevdilis miärádâsâin já tábáhtusâin, moin mij lep lamaš mield. Kaavnad mii meid Facebookist noomáin Suoma Sámi Nuorat. Tábáhtuspovdiittâsah vuolgâttuvveh puoh SSN lijkkujeijeid.

Puoh pyeremus lii kuittâg, ete servâmáin SSN jesânin uážuh lejij mield uđđâ uáppásijd, skipárijd, ustevijd, vuoiŋâveerdijd já siälukuoimijd. Servi viggá čuákkiđ puoh Suomâ säminuorâid oovtân sehe oovtâstporgâđ meid eres algâalmugnuorâigijn. Suotâs maađhijn já hitruus tábáhtusâin uápásmuvá uđđâ, mielâkiddiivii soojijgijn já ulmuigijn.