Ále báze okto!

Ále báze okto! Ele pääsi ohtuu!
Jeä´l pää´ʒʒ õhttu! Älä jää yksin!

Suoma Sámi Nuorat rs almmustahttá jagi 2013 loahpas 2015 álggus uhca bloggaráiddu sámiid vásihan rasismma birra. Mii dat lea? Mii dat ii leat? Mo lea vásihit rasismma? Mo dat váikkuha? Mo dasa sáhttá vástidit? Mo das sáhttá ceavzit?

Teoriijadieđu lassin mii hálidit gieđahallat fáttá nu lahka árgabeaieallima go vejolaš. Danin mii háliditge gullat sámenuoraid vásáhusaid rasismma birra. Álggus plánejuvvon áigedávval álmmustahttimii ii ollašuvvan, muhto teavsttat leat ain barggo vuolde, ja mii hálidit gullat dis!

 

Sádde midjiide muitalusaidat! >>

 

Vástidanáigi lea 30.4.2015 rádjái.

Čále iežat sániiguin vásáhusaidat birra. Sáhtát sáddet seammá skoviin eanetge go ovtta muitalusa. Persovdnadieđut eai almmustahtto gostige. Oaččut maid mearridit, leago lohpi siteret du muitalusaid gihpagis vai ii.

FUOM: Vástideaddjiin lea vejolašvuohta oassálastit golmma vilges ILO 169 -t-báiddi sihke logi SSN-muitosákki (xGB) vuorbádeapmái. Muitte addit iežat oktavuohtadieđuid, jus hálidat oassálastit vuorbádeapmái! Mii váldit vuoitiide njuolga oktavuođa gihpaga almmustahttima áigge.

SSN várre rievtti rievdadit almmustahtti muitalusaid dan mađe, ahte ovttage olbmo ii sáhte dain dovdat.

Lassedieđut: Neeta Jääskö, suomasaminuorat@hotmail.com
Sáhtát maiddái sáddet muitalusat šleađgapoastta bokte.