Dieđut searvvis

Suoma Sámi Nuorat rs (SSN) lea jagis 1991 Ohcejogas vuođđuduvvon searvi, mii goziha Suoma sámenuoraid vuoigatvuođaid ja ovdduid.

Searvi geahččala nannet sámenuoraid identitehta ja lasihit sin dieđuid iežaset kultuvrras. Searvi viggá maid lasihit sámenuoraid oktavuođaid rastá riikkarájáid, buoridit sámegiela sajádaga ja loktet sámekultuvrra árvvusatnima. Searvi ordne iešguđetlágan skuvlejumiid ja prošeavttaid, ja váikkuha maid politihkalaččat sámenuoraid guoski áššiide. SSN doaibmá olles Suomas ja ovddemužžan suopmelaš sámenuoraid buorrin.

Searvvis leat sullii 130 lahtu. SSN fállá lahtuidasas vejolašvuođa oassálastit máŋggalágan dáhpáhusaide, dego sisbandy sámemeašttirgilvvuide, máilmmi eamiálbmogiid semináraide ja searvvi jahkečoahkkimii. SSN dieđiha doaimmaidis birra neahttasiidduinis, bloggastis ja Facebook-siidduinis. Searvi ruhtada doaimma lahttomávssuiguin, almmolaš stáhtadoarjagiin ja iešguđetlágan prošeaktaruhtademiiguin.

Alimus mearridanváldi lea stivrras, mas leat vihtta lahtu. Ságadoalli, várreságadoalli, čálli, guokte lahtu ja várrelahtut (5) válljejuvvojit jahkečoahkkimis. Buot lahttomávssu máksán lahtuin lea jienastanvuoigatvuohta jahkečoahkkimis. Buot lahtuin lea vejolašvuohta oassálastit searvvi doibmii ja álgit evttohassan stivralahttun.